Mizoram Legislative Assembly Golden Jubilee Exhibition buatsaih

Mizoram Legislative Assembly golden jubilee lawm mek a ni a, Assembly Annexe building-ah Golden Jubilee Exhibition buatsaih niin, nimin khan deputy speaker Lalrinawma'n a hawng.

Legislative Assembly Golden Jubilee Exhi­bition-ah hian district council hun lai aṭanga tun thlenga Assembly kaih­hnawih thlalak hlui leh thil dang chi hrang hrang phochhuah a ni a, May 4-10, 2022 chhunga neih niin, May 4-6 chhungin zirna-in leh mipui tan tlawh theiha hawn a ni ang.

Mizoram Legislative Assembly golden jubilee lawmna pui ber chu May 10-ah neih a ni dawn a, golden jubilee pualin Special Session neih a ni dawn a, Lok Sabha speaker OM Birla chu khuallian niin thu a sawi dawn a ni.