Mizoram leh Central minister an inkâwm

Minister of state Robert Romawia Royte chuan May 3, Thawhlehni khan Lengpui Airport-ah Minority Affairs minister of state John Barla a kâwm a, Mizoram hmasawnna tur an sawi dun niin sorkar thuchhuah chuan a tarlang.

Sorkar thuchhuaha a lan danin Robert Romawia Royte chuan Union Minister chu Minority Affairs Ministry-in ṭhalaite hmasawnna tur leh infiamna hmunhma tam tak Mizoram tana a pek avangin lawmthu a hrilh a; Siaha district-in infiamna lamah hmasawnna ruhrel leh thil dangah mamawh a ngah avangin Siaha district atana Mizoram sorkar rawtnate ngai pawimawh turin a ngen.

John Barla pawhin, Mizoram Sports Minister chu DPR ṭha taka siama sorkar laipuia thawn turin a chah a, theihtawp chhuahpui a tum thu a hrilh niin Mizoram sorkar thuchhuahah tarlan a ni.