Chetsualnaah mi pahnih an thi

Nimin zing khan Thenzawl leh Sialsuk inkarah car chesualin, kawng thlangah a lum a, a hmunah mi pakhat a thi. Nimin vêk khan Keifang dáia lung tlain mi pakhat a delh hlum.

Thu dawn danin, nimin zing khan Siaha lam aṭanga Aizawl pan car pakhat chu Thenzawl leh Sialsuk inkarah a chesual a, a hmunah Zohmingthangi (73) m/o NT Lalringliana, Siaha a thi.

Zohmingthangi te hi an fapa Bungkawna awm nupui thi ruang nan hman tumin Thawhlehni tlai khan Siaha aṭangin Aizawl an pan a, an chetsual thu hi nimin chawhma dar 11 velah hriat a ni. Car-a chuang dangte an hliam a, Thenzawl damdawi-inah hruai an ni.

Nimin zing vêk khan Keifang aṭanga km. 11 vela hlaah kawngpui chhak lama lei leh lung tlain hnam dang mipa pakhat a delh hlum.

Mitthi ruang hi nimin vêk khan Saitual damdawi-inah enfiah a ni.