Mamit district bank-te CD ratio a tlahniam

Mamit district-a bank pakuate credit deposit ratio (CD Ratio) chu financial year kal mekah December 2019 thleng khan 43.59% a ni a, September 2020-a an dinhmun aiin 2.26%-in a tlem zawk. Bank zingah MRB, Kanhmun CD ratio a sang ber a, 77.41% a tling.

Nimin khan Mamit District Consultative Committee/District Level Review Committee/Dis­trict Level Security Com­mittee chu DC conference hall-ah district bawrhsap Dr Lalrozama kaihhruaiin an ṭhukhawm a, bank hrang hrangte hnathawh dan an thlirho. Meeting-a tarlan danin, bank-te CD ration tlakhniam chhan chu bank branch ṭhenkhatte sum dawn (deposit) a pun vang a ni.

Meeting-a tarlan danin, Aspirational District Programme Fi­nan­cial Inclusion hnuaia Mudra loan hrang hrang­ah cheng nuai 123 pek chhuah a ni. Pran­dhan Mantri Jeevan Jyoti Bima Yojana (PMJJBY) hnuai­ah inziak lut mi 4,863 an awm a, Atal Pension Yojana (APY) hnuaiah mi 336 an inziak lut tawh. Pradhan Mantri Jan Dhan Yojana (PMJDY) hnuaiah mi 26,730-te'n bank account an hawng tawh bawk.

Mamit district-a bank hrang hrangte loan pek chhuah zat belhkhawm chu cheng nuai 46 a ni a; Transport Operator Loan hnuaiah MRB Rawpuichhip branch-in cheng nuai 21.60 pe chhuakin, bank mala loan pe chhuak tam ber a ni. Pradhan Mantri Employment Generation Programme (PMEGP) hnuaiah mi 19 hnenah loan cheng nuai 58.9 pek chhuah a ni a, MRB Reiek chu loan pe chhuak tam ber niin, mi 10 hnenah cheng nuai 23.75 an pe a ni.

Bakijai Case (loan chhia inremsiamna) hnuaiah December quarter-ah MRB Reiek chuan case pali (cheng nuai 3.45) a nei a, chinfel a la ni lo. Kisan Credit Card (KCC) hnuaiah mi 99 hnenah loan card cheng nuai 87.7 hû pek chhuah a ni.