Sample 15,523 endik a ni tawh

Nimin tlai dar 5 thleng khan Mizoram aṭangin Covid-19 vei leh vei loh finfiah nan swab sample 15,523 endik a ni tawh a; rapid antibody test (RAT) hmangin mi 16,606 endik a nih tawh bakah, ramria screening point hrang hrangah mi 1,29,908 enfiah a ni tawh.

Laboratory hrang hranga Mizoram aṭanga swab sample endik tawh dan chu - NICED, Kolkata-ah 5, Guwahati Medical College-ah 12, Silchar Medical College-ah 41, Zoram Medical College (ZMC)-ah 14,993 leh Lunglei Civil Hospital (Truenat-PCR)-ah 472 a ni.

Mizorama Covid-19 vei hmuh chhuah tawh mi 203 zinga 192 chu ZMC laboratory-a hmuh chhuah a ni a; Lunglei CH laboratory-ah mi 10 leh Guwahati Medical College-ah mi pakhat hmuh chhuah a ni bawk.