MADC inthlan tluang taka neih a ni

Nimin khan Mara Autonomous District Coun­cil (MADC)-a mem­ber of district council (MDC) inthlanpui neih a ni a, electronic voting machine hmangin mipui­te'n tluang takin vote an thlâk. Vote tlate chu May 9, kar leh Thawhṭanniah chhiar a ni ang.

MADC inthlanpuiah hian zing dar 7-ah vote thlak ṭan theih a ni a, tlai dar 5 thleng vote thlâk hun hawn a ni. Vote a tla ṭha thawkhat a, he thu ziah lai thlenga vote tla zat chhin­chhiah chu 83.77% a ni.

MADC-ah hian MDC seat 25 a awm a, candidate mi 85 an awm. MNF leh BJP-in seat awm zawng zawng an chuh vek a, Congress party-in seat 23, ZPM-in seat pariat an chuh a, independent candidate pali an awm bawk. Hming pe lut zingah MDC ni lai 23 an awm a, chung zinga 13 chu BJP, MNF paruk, Congress pathum leh ZPM pakhat (nominated) an ni.

Inthlana vote tlate chu May 9, 2022-ah Siahaah chhiar a ni dawn a; MADC sorkar ding lai hun chu May 15, 2022 khian a tàwp dawn a, chumi hma chuan sorkar thar din hman a ngai dawn a ni.