KṬP General Conference vawi 59-na

KṬP General Conference vawi 59-na chu nizan khan Kolasib Diakkawn khelmuala pandal-ah ṭan a ni. KṬP inkhawmpui lianah hian nimin kha palai thlen ní niin, palai ṭhahnem takin Kolasib an thleng a, nimin tlai dar 5:30 thleng khan palai/mikhual 5,395 an thleng tawh. Nizan khan palai lawm inkhawm neih a ni a, kum 2022-23 chhunga KṬP kumpuan thupui 'Sual tinreng bul - tangka sum ngainat' tih chu Synod executive secretary Rev.Dr K Lallawmzuala'n a hawng a, kumpuan lehkhabu a tlangzarh nghal. (Thlalak - Palaiten kawng lakah chaw an fâk)