MYC Chairman leh IIM Director inkâwm

Mizoram Youth Commission (MYC) chairman Dr Vanlalṭanpuia, MLA chuan nimin khan Shillong-ah Indian Institue of Management (IIM) director DP Goyal a kâwm a, Mizo ṭhalai tana hmasawnna tur thil chi hrang hrang sawipuiin, IIM, Shillong chu thawhpuiah a sáwm.

Dr Vanlalṭanpuia hian Mizoramin skill training a mamawh tak hmu chhuak tura Skill Gap Research nei tura thawhho chungchang te, Mizoram sorkar hnathawk officer leh ṭhalaite tana IIM, Shillong-a training buatsaih chungchang leh, Mizo ṭhalaite thiamna ril zawk zir tura intuai hriam nan Super 10 prog­ramme emaw buatsaih a, chumi hnuaia Mizo ṭhalai 10-te IIM-a training thei tura intuai hriamna neihpui chungchangte a sawipui a ni.

IIM, Shillong Director leh research team chu Mizoramah an rawn kal dawn a, MYC nena thawhhona nei tura ṭhutkhawm tum a nih thu sorkar thuchhuak chuan a tarlang.