Dr Vanlalthlana'n hnathawh leh sikul a tlawh

Aizawl North-II bialtu MLA Dr Vanlalthlana chuan tun kar chhungin a bial veng hrang hranga hna thawhte leh sikulte a tlawh kual a, MLA fund chu mipui ta a nih angin mipui, khawtlang leh ram hmasawnna atan an hmang tur a nih thu leh hnaah an rinawm tur a nih thu a sawi.

Dr Vanlalthlana hian a bial chhunga MLA fund hmanga hnathawh hrang hrangte a hmunah a enfiah a, "A pumpuia lâkin kan hnathawhte a lawmawm ka ti a, hnathawh ṭha lo leh duhthusam tâwk lo deuh nia langte siamṭhat zel ni se," a ti. A biala primary school, middle school, high school leh higher secondary school hotute'n ṭul leh mamawh an lo thlente chu a theih anga tihhlawhtlin a tum thu leh a ṭulah chuan thuneitu sang zawka thlen a tum thu a sawi bawk.

MLA hi AMC Ward-III coun­cillor C Lalchhandami'n a ṭawi­awm ṭhin a ni.