Sumdawnna atan lirthei hman theih hun chhung tidanglam

Mizoram State Transport Authority (STA) tun hnaia ṭhu­khawm chuan, sumdawnna lirthei hman theih hun bituk an pawtsei.

Transport secretary Dr Franklin Laltinkhuma hnen aṭanga thu dawn danin, STA-in thuthlukna a siam dan chuan, maxicab, taxi, bus leh two wheeler taxi hman theih hun chhung kum 10 ni ṭhin chu kum 15-ah tihsei a ni.

Sumdawnna lirthei neitute chuan an lirtheiin kum 14 a tlin hnuah kum khat chhungin a tharin an thlak tur a ni a, an thlak lo a nih chuan an licence tihtawp a ni ang. Lirthei hi ṭum khat thlak theih a ni a, ṭum khat thlak a nih tawh chuan kum 15 a tlin leh hnuah licence a thi tawh ang.

Thu dawn danin, sumdawnna lirtheite a fit ṭhat hun chhung hman phal tura rawtna awm mah se, STA chuan lirthei kum 15 hnu lam sumdawnna atana hman a nih chuan mipui tan a him loa an hriat avangin, sumdawnna lirthei hman theih hun atan hian kum 15 an ti a ni.

STA chuan, two wheeler taxi atana hman theih chin pawh an siam ṭha a, kum hnih chin ni ṭhin chu kum nga chinah an thlak a ni.