Sikulah thawktu indah tam a ṭul - School Education Secretary

Nimin khan School Education directorate conference hall-ah SSA leh RMSA district project coordinator meeting buatsaih a ni a, School Education secretary P Lalchhuanga'n a hmanpui. P Lalchhuanga chuan, office-a indah (attach) ṭeuh loa sikula indah tam a ṭul thu a sawi.

Mizoram sorkar hnuai­a school hrang hrangah zirtirtu indaih loh dan sawiin P Lalchhuanga chuan, "Primary school-ah ringawt pawh zirtirtu awm zawng zawng hi sikul awm zatin sem ila, pathum leh tlem chauh a chhuak a, indaih lohna a nasa hle," a ti a; chutiang a nih avang chuan office-a indah (attach) ṭeuh loa sikula indah tam a ṭul thu a sawi.

Meeting-ah hian state project office tin leh district tina district project office-a thawkte an tel a; kum 2017-2018 atana SSA leh RMSA plan siam dan tur an sawiho a ni.