President pualin cultural programme

Zan khat riaka Mizo­ram rawn tlawhtu Presi­dent Ram Nath Kovind leh a nupui Savita Kovind te pualin Governor Dr Hari Babu Kambhampati chuan May 5, Ningani zan khan Assembly Annexe conference hall-ah chaw­hlui, state banquet leh cul­tu­ral programme a buatsaih.

Cultural programme-ah hian hnam làm leh zài chi hrang hrang entir a ni a; President hnenah hian Governor Hari Babu Kambhampati leh chief minister Zoramthanga ten ngaihhruina thilpek an hlân.

Cultural programme leh state banquet-ah hian deputy chief minister Tawn­luia, Assembly spea­ker Lalrinliana Sailo, Lok Sabha MP C Lalro­­sanga, Rajya Sabha MP K Vanlalvena, Mizo­ram minister te, Deputy Spea­ker, MLA ṭhenkhat te, sorkara secretary te, politi­cal party hotute leh tlawm­ngai pawl hruaitute an tel.

President hian nimin zing khan Ṭhuampui Helipad aṭangin Lengpui Airport a pan leh a, Gover­nor, Chief Minister leh mi pawimawh dangte'n an thlah a; Lengpui Airport thlengin Home minister Lalchamliana leh sorkar official-te'n an thlah bawk.