Kum 10 chhung Budget thlirna

Vanglaini news reporter Malsawmdawngzela Hrahsel lehkhabu ziah, 'Kum 10 chhung budget thlirna' tih chu nimin khan MJA president C Lalrambuatsaiha'n Aizawl Press Club-ah a tlangzarh.

MJA President chuan, MJA member zinga mi Malsawmdawngzela Hrah­sel-in lehkhabu hlu tak a sual chhuak chu lawmawm a tih thu sawiin, "Kan ram mamawh tak lehkhabu a tichhuak thei hi kan lawmpui a, a dang pawh la tichhuak zel turin ka chah a ni. Lehkhabu tihchhuah hi a harsa a, finance leh budget lam phei chu a harsa leh zual. He lehkhabu hi Mizo hnam tan a ṭangkai tak zetin ka ring," a ti.

'Kum 10 chhung budget thlirna' tih lehkhabu hi kum 2013-14 aṭanga kum 2022-23 thlenga kum tina Mizoram budget thlir­na a ni a; tlangzarhna inkhawm­ah hian IPR minister Lal­ruatkima, MLA pahnih C Ngunlianchunga leh Lalrindika Ralte bakah, sorkar officer te, MJA mem­ber-te leh political party mi eng emaw zat an tel a ni.