MADC inthlanah vote 85.30% a tla

May 5, Ningania 12th MADC General Election chu boruak muanawm tak hnuaiah ṭha taka zawh a ni a, vote zawng zawng aṭanga 85.30%-in vote an thlak.

MDC bial hrang hrangah vote a tla ṭha tlangpui a, vote tlak ṭhatna ber Amotlah bialah 95.71% a tla a, vote tlak chhiatna ber Siaha East-I bialah 74.68% a tla. Polling station zinga vote tlak ṭhatna ber Riasikah-ah 98.95% a tla a, vote tlak chhiatna ber New Siaha West-II ah 72.50% a tla thung. Vote thlaktu zinga upa ber chu Rothangi, College Vaih-II, kum 96 mi a nia hriat a ni.

MADC inthlanpuiah hian bial 25-ah candidate 85 an awm a, vote tlate chu May 9, Thawhṭanni chawhma dar 10 aṭangin chhiar a ni ang.