Cancer hospice hmasa ber hmang ṭan

Cancer Society of Mizoram (NGO) leh Mizoram State Cancer Institute (MSCI)-a Palliative department-te'n cancer damlo tan bik inenkawlna, Hospice an siam chu tun hnai aṭang khan hman ṭan a ni a, Mizorama hmasa ber a ni.

Hospice-ah hian khum 10 dah a ni a, cancer damlo na zual, chemotherapy leh radiation hmanga enkawl theih tawh lote'n ná (pain) leh taksa chau leh hah lutuk an neih lohna atana siam a ni. Counseling lama inenkawlna a awm bawk.

Hospice enkawl tur hian nurse pathum rawih a ni a, nurse-te chu Cancer Society of Mizoram-in anmahni sum aṭanga an chhawrte a ni. Nurse pathumte bakah, MSCI Palliative department doctor leh nurse-te'n an vilpui reng bawk a ni.