Aizawl-Behliangchhip MST bus tlân ṭan dawn

Transport department chuan May 9, 2022 (Thawhṭanni) aṭangin Aizawl leh Behliangchhip (Tripura) inkarah Mizoram State Transport (MST) bus a tlantir ṭan dawn a, ticket pakhat Rs 476 man a ni ang.

Transport director R Lalrammawia chuan, Aizawl leh Behliangchhip inkara MST bus tlantir tur chungchangah nimin khan thuchhuah a siam a, "Tun dinhmunah chuan Kolasib paltlangin a service rih ang a, a hlat zawng hi km. 238 niin, ticket pakhat man Rs 476 a ni," a ti.

Aizawl-Behliangchhip MST bus hi Aizawl aṭangin Thawhṭanni leh Ningani-ah zing dar 6-ah a chhuak ang a, Behliangchhip aṭangin Thawhlehni leh Zirtawpni zing dar 6-ah Aizawl panin a chhuak ṭhin dawn a ni.