BJP-in President-ah memorandum thlen

BJP, Mizoram Pradesh president Vanlalhmuaka, vice president Dr BD Chakma, MLA leh hruaitu dangte chuan nimin zing khan President Ram Nath Kovind hmuin, Mizoram kaihhnawih thil chi hrang hrang tarlanna memorandum an thehlut.

Memorandum an thehluh bakah hian Mizoram BJP President chuan President hnenah hian Mizoramah PM scheme hrang hrangte a nihna tur anga hman leh kalpui a nih loh thu leh Mizorama sorkarna chelh mekte'n an party hamṭhat nan PM scheme-te chu an hman ṭhin thu a hrilh a ni.

President Ram Nath Kovind hian Mizoram BJP-in memorandum an thehluh leh an sawite chu a ṭul anga bawhzui a tum thu a lo hrilh niin BJP chuan an tarlang.

BJP Memorandum-a tarlante
1) Zoram Medical College tihchangtlun
2) Thingtlang lam hriselna hmanrua tihchangtlun
3) Bairabi leh Sairang inkara rel kawng siam mek chak zawka siam
4) Indo-Bangla ramri hungna enṭhat
5) Indo-Bangla ramria kawngte siamṭhat
6) Land Custom Station-te leh border haat-te tihpuitlina hman thuai
7) Autonomous district council chungchang