Faina chungchang zirtir

Mamit district-a Dárlâk leh Bâwngva khuaah, Inrinni khan Swach Bharat Mission (Gramin) Public Aware­ness Campaign buatsaih a ni a, Mamit DC Lal­biaksangi'n a hmanpui.

Lalbiaksangi chuan, faina leh thianghlima chu hriselna bul a ni tih sawiin, "Hrisel tur chuan kan in leh a chhehvel kan vawn fai a ngai a, inthiarna mumal lo leh ek-in ni loa zun leh êk kan thlahdah chuan kan hrisel thei dawn lo," a ti.

PHE executive engi­neer Lalropuia chuan, Mamit district chu in­thiarna nei lo awm lohna, open defecation free (ODF) a nih theihna atan ṭanrual a pawimawh thu a sawi a; Swach Bharat Mission hnuaiah ek-in sak ṭanpuina dawng tawhte'n ek-in an sak dan a enfiah nghal bawk.