In kâng tuarte rangva leh pawisa pe

Kolasib bialtu MLA K Lalrinlianna, minister of state chuan nimin khan Meidum khuaa in kâng tuar chhungkaw pahnihte a tlawh a, rangva bundle 10 leh Rs. 10,000 ve ve a pe. A bial chhunga hmasawnna hna thawhte a tlawh nghal bawk. Meidum khuaa Tuikurliana leh Surendro te in chu February 5, Nilaini khan a kâng a ni.

K Lalrinliana chuan nimin khan Kolasib Project Venga multi-purpose indoor stadium sak mek a tlawh a; a panna kawng zau zawka siam dan tur te, lirthei hûnna tur hmun leh vantlang zun-in sakna turte a en a, thawktute chu hna kalpui chhunzawm zel dan tur a sawipui. Multi-purpose indoor stadium hi District Rural Development Agency (DRDA), Kolasib hmalaknain Rs. 15,00,000 hmanga bul ṭan a ni.