Two wheeler-a chuang tan helmet khum a ngai

16th January, 2017

Transport secretary Dr Franklin Laltinkhuma chuan, Jan. 12, 2017 khan notification tichhuakin, two wheeler khalhtu leh an mi phurhte'n lukhum (helmet) an khum ngei tur a nih thu a puang.

Notification-a tarlan danin, Supreme Court Committee on Road Safety duh dan angin two wheeler khalhtu leh an mi phurhte'n Bureau of Indian Standard (BIS) pawmpui helmet an khum ngei tura tihna thupek chhuah tura a tih angin Transport Secretary chuan thupek hi a chhuah a ni.