School Games-a telte lawmpui

School Education department chuan, nimin khan an directorate conference hall-ah

January 2-9, 2017 chhunga New Delhi-a 62nd. National School Games-a Mizoram aiawha kal Mizoram school team leh an medal dawnte lawmna an buatsaih.

School Education department tirah Mizo­ram aiawha National School Games-a kalte hi boxing, judo, karate leh taekwondo medal an la a; an medal lakte chu gold medal pakhat leh bronze medal pakua a ni.

National School Games-a medal la pla­yer-te leh team official-te hnenah School Educa­tion department chuan lawmpuina pawisa a hlan a; gold medalist hnenah Rs. 5,000 leh bronze medalist hnenah Rs. 2,000 ṭheuh pek a ni.

National School Games-ah hian judo-ah Chinglunmawii, Calvary Comprehensive School-in gold medal a la a; judo-ah vek Vanrammawii, Lalnunsiami leh Lal­tlankimi, Calvary Com­prehensive School vekte'n bronze an la.

Boxing-ah H Lal-nunhlima, Tuipui M/S; Joseph Lal­khawngaiha, Mt. Horeb English School leh Mal­sawmtluanga, Bazar H/S ten bronze medal an dawng. Taekwondo-ah PC Lalmuanawma, Mamawii HSS leh Vanlalmawipuia, KVM High School ten bronze an la a; karate-ah Vanlalremtluanga, St. Paul’s HSS-in bronze a la bawk.