Zenghri pek dan tur thlir

Mamit District Task Force on Immunization chu nimin khan DC Lal­biaksangi hoin a pisaah an ṭhukhawm a; Intensified Pulse Polio Immunization (IPPI) first round, January 2017 chhunga pek dan tur an thlirho.

Meeting-a tarlan dan­in, IPPI first round-ah hian Mamit district-a khaw 83-a mi 10,912-te chu Oral Polio Vaccine (OPV) pek tura ruahmanna siam a ni.

OPV-te hi Mamit district-a damdawi-in pariat - Mamit, Kawrtethawveng, Kawr­­thah, Zawlnuam, Raw­puichhip, West Phai­leng, Phuldungsei leh Marpara damdawi-in hnuai­a health worker leh thawktu dangte'n an pe dawn a ni.

WHO tarlan danin, India ram hi kum 2014 khan zenghri vei awm lohna ramah a puang tawh a, mahse, ṭhenawm ramte aṭanga lo lut thei reng a nih avangin invenna hi uluk taka kalpui a ngai a ni.

Meeting-ah hian Mamita Chief Medical Officer, Senior Medical Officer, Additional SP, Joint Village Council President leh tlawmngai pawl hruaitute an tel.