Shaala Siddhi workshop buatsaih

School Education department leh National University of Educational Planning and Administration (NUEPA), New Delhi-te chuan, nimin khan SCERT Auditorium-ah school evaluation chung­chang zirhona, ‘Shaala Siddhi’ an ṭan a; School Education secretary P Lalchhuanga'n a hawng.

P Lalchhuanga chuan, mihring chhawr tlaka chher chhuah chu zirnain a tum bulpui ber a ni tih sawiin, chuta tan chuan Shaala Siddhi(School Evaluation) chu thil pawimawh a nih thu a sawi a; workshop-a telte chu ṭhahnemngai taka an thil zirte ngaihtuah a, hlâwkna chhar chhuak ngei turin a fuih.

State level workshop on Shaala Siddhi hi ni hnih awh tur a ni a, resource person chu Prof. Pranti Panda, professor & head, USSE, NUEPA a ni.

Workshop-ah hian School Education department-a officer te, SCERT-a officer te, zirtirtu pawl hrang hrang hruaitu te, SSA leh RMSA-a officer-te leh zirtirtu ṭhahnem tak an tel a ni.