Kawlphethaa intodelh lohah Cong-in mawh an phur: MPCY

MPC party ṭhalaite chuan, Congress Bhavan hawn nía CM Lal Than­hawla’n kawlphe­thaa Mizoram intodelh lohna chhanah MNF a puh chu dik an tih rualin, kum 20 chhung sorkarna chelh tawh Congress sorkar pawhin mawh an phurh thu an tarlang.

MPCY chuan, CM Lal Thanhawla chu ram leh mipui tana hmasawnna hnathawh sawi tur hre lo a, mi dang sawiselna leh mahni insawi thiam­na ringawta Mizo mipui kum bul ṭanpuiah an puh a, "Kan ram tana hna thawk theia a din chhung ngeia nasa leh zuala hma lam pana ke pên turin kan phût tlat. Kan ram hi kawlphethaa intodelh a duh takzet a nih chuan kum 2017-18 budget-ah kawlphethaa intohdelhna bul ṭanna atan cheng vbc. 200 aia tlem lo tal dah turin kan phût a ni," an ti.