Sport Council an ṭhukhawm

Mizoram State Sports Council (MSSC) chu, nimin khan Sports & Youth Services minister Zodintluanga hoin a pisaah an ṭhukhawm a, thil pawimawh hrang hrang an sawiho.

Meeting-ah hian Kulikawn Indoor Stadium, Kulikawn khawtlang leh MSSC-in an inenkawl ṭâwm ṭhin chu Kulikawn YMA-in an dil angin an kuta hlan leh, MSSC Act 2002-in a phalsak angin R Dengṭhuama Indoor Stadium leh Hawla Indoor Stadium-ah generator lian dah an rem ti.

National Junior Archery Championship, October 2017 a neih tura tinzawn Mizoram Archery Association in a thleng thei tur leh Mizoram Badminton Association in North East Badmintion Championship September-October 2017 a thleng thei tur chu lawmawm an ti a, intihsiaknate hi hlawhtling taka neih a nih theih nan association pahnih te leh MSSC chuan a tul ang zelin thawkho tura tih a ni.