MJA-in an charity fund Civil Hospital-ah an hlan

MJA general head­quarters chuan, nikuma charity fund an khawn tlingkhawm Rs. 50,000 chu nimin khan Aizawl Civil Hospital (ACH) medical superintendent Dr KL Remsanga hnenah an hlan. Pawisa hi Dialysis Unit tihchangtlunna atana hman tura tih a ni.

Dr KL Remsanga chuan, Aizawl Civil Hospital chu mipui ta tak tak a nih thu sawiin, "Kan damdawi-in hi mipui pawhin an intitatu hle a, poor fund aṭang pawhin cheng eng emaw zat kan dawng a ni," a ti a; poor fund hman dan tur ruahman turin committee din a nih thu a sawi.

Nursing superintendent Lalremmawii sawi danin, nurse duty-te'n mi harsa, ṭanpui ngai nia an hriatte chu damdawi-in canteen aṭangin damdawi an leisak fo a, ṭanpui ngai ngeite ṭan­puina an dawn theihna atan fimkhur takin an kal a ni.

MJA president Vanlal­rema Vantawl pawhin thu sawiin, mi tinte inpui tawn tur an nih angin, poor fund ngai pawimawh deuh deuh turin mipui a sáwm a, MJA charity fund-a sum thawhtu zawng zawngte hnenah lawmthu a sawi.

ACH hotute sawi danin, a nih dan tur ang taka Dialysis Unit kalpui turin cheng nuai 10 vel mamawh a ni a, hospital fund aṭanga an tih theih mai si loh avangin mi inphalte thawhkhawm an hmang a, Rs. 4,45,000 an hmu tling tawh a ni.