DC-in zangnadawmna hrilhfiah

Siaha DC Harleen Kaur leh addl. DC N Chakhai te chuan Thawhṭani khan an district chhunga Tuipang khua an tlawh a, zangnadawmna chungchanga an thil hriat duhte an hrilhfiah.

Tuipang Circuit House-a khawtlang hruaitute nen an inkawmnaah hian Siaha DC chuan, NH-54 laih zauh tura zangnadawmna chungchangah khawtlang hruaitute thil hriat duh hrang hrang a sawifiah a; harsatna an neih phawt chuan inthlahrung loa amah pan ṭhin turin a chah.

Harleen Kaur chuan, NH 54 zauh tur chhawr tur chu mipui an ni tih sawiin, mipuite chu hnathawktute leh sorkar tan harsatna siam lo a, sorkar leh kawng zauh hna thawktu tur Japan International Cooperation Agency-te ṭawiawm tlat zel turin a ngen.

Siaha DC hian Tuipang khelmuala Vanbandhu Kalyan Yojona hnuaia Ministry of Tribal Affairs-te bultum leh Directorate of Sports & Youths Services ten an buatsaih, Mizo Traditional Games 2017 a hawng nghal a ni.