Siaha-ah property return inhrilhfiah

Vigilance department chuan, nimin khan Siaha DC conference hall-ah Siaha district-a gazetted officer-te tan property return chungchang inhrilh­fiahna hun an buatsaih a, Siaha DC Harleen Kaur-i'n a hmanpui.

Training hi Siaha SDO(S) Marilyn Rualza­khumthangi'n a kaihruai a; Siaha DC chuan, "Hetianga sorkarin Aizawl pan buai ngai loa kan district ngeia training min rawn neihpui thei hi a lawmawm a. Officer-te'n he hun ṭha hi ngaihthah loa ṭangkaipui ngei tur leh hlawkpui ngei kan tum a pawimawh," a ti.

Training-ah hian department hrang hrang aṭangin officer 50 vel an tel a, an thil hriat duhte chu Vigilance department-a thawkte'n an hrilhfiah a ni.