CHC fai ber nih lawm

Vairengte damdawi-in (Community Health Center) chuan, Kayakalp 2016 hnuaia Mizoram puma Community Health Center fai ber lawmman an dawn chu nimin khan an lawm a, bialtu MLA K Lalrinthanga'n a hmanpui.

K Lalrinthanga chuan, Vairengte CHC-a thawkte leh Vairengte khaw­tlang mipuite inpekna leh thawhhona a ṭhat thu sawiin, "Hei hi thil chhuanawm tak a ni. Fainain hriselna a keng tel a ni tih hria a, fai hi thupui ber pakhata nei theih turin theihtawp i chhuah ang u," a ti.

Kolasib DC H Lalengmawia pawhin thu sawiin, Vairengte CHC-in fai ber lawmman a lak theihna tura CHC-a thawk te, district chhunga sorkar department hrang hrangte ṭanhona leh khawtlang mipuite ṭhahnemngaihna chu lawmawm a tih thu a sawi.

Bialtu MLA leh Kolasib DC-te hian Vairengte CHC tan Rs. 50,000 ve ve an hlan a ni.