KHAWTHLIR

Tlân theih loh
Traffic SP chuan thuchhuah siamin, SIPMIU-in Zarkawta tui chhia leh êk thli paihna an siamnaa kawng an laih chhiat chu January 19-22 chhungin zan dar 10 aṭanga a tuk zing dar 6 inkarah an siam dawn a, hemi hun chung hian Lower Zarkawt kawngpui dungah lirthei dah leh tlân a rem dawn lo tih a tarlang.

Lirthei chesualah thi
Kolasib leh Aizawl inkara tlân maxicab, RT chu nimin chhun dar 12:30 vel khan Sakawrhmuituai leh Lungdai inkarah chesualin kawng thlangah thui tak a lum a; a khalhtu Lalchhandama, Kolasib Salem Veng a hmunah thiin, mi dang hliam an awm nual. Thu dawn danin, maxicab hi K Lalrinliana (MLA hlui), Kolasib ta a ni a, a chetsual lai hian mi pakua an chuang a ni.

Directory tlangzarh
Student's Self-Support Union (SSU)-in 'Mizoram Information Directory 2017' an buatsaih chu nimin khan chief minister Lal Thanhawla'n a pisaah a tlangzarh. Chief Minister chuan directory chu mipuite'n ṭangkai taka an hman a beisei thu a sawi. SSU hian kum 2011 leh 2014-ah directory an siam tawh a; tuna directory an siam lehah hian minister leh MLA te, sorkar department hrang hrang, pawl hrang hrang, zirna-in, damdawi-in, clinic leh police station phone number-te dah a ni.

V/C training
SIRD chuan nimin khan village council-te tan an conference hall, Leitanah Gram Panchayat Development Plan (GPDP) chungchang zirhona an buatsaih. Training hi ni thum awh tur a ni a, Reiek RD Block leh Aibawk RD Block hnuaia V/C-te tana buatsaih a ni.

TT board pe
Mizorama Ashok Leyland dealer, Liando Auto Works chuan nimin khan Aizawl Press Club-a MJA member-te intihhlimna turin table tennis (TT) board, TT bat pali leh ball báwm khat an pe. MJA chuan Liando Auto Works chungah lawmthu a sawi a ni.