Mizo Traditional Games khâr

Ministry of Tribal Affairs te bultuma Direc-torate of Sports & Youth Services-in Tuipang, Siaha district-a Mizo Traditional Games an buatsaih chu January 17 khan khar a ni a, a khârna hun hi Assembly speaker Hipheia'n a hmanpui.

Ngopaa Mizo Tradi-tional Games buat­saih pawh nimin khan khâr niin, minister H Rohluna'n a hmanpui.

Tuipanga Mizo Tra­ditional Games 2017-ah hian Mizo infiamna chi hrang hrang - insaihruipawh, insuknawr, kalchhet kal, sairawkherh inperhsiak, inkawibah, ketaminu intlansiak leh arpa insual hmangtein an intihsiak a ni.

Ngopaa Mizo Tra­ditional Games-ah hian Mizo infiamna chi hrang hrang - ketaminu kal, Mizo inbuan, insuknawr, insaihruipawh, arpa insual leh kalchhet kalahte in­tih­siakna neih a ni a; intihsiaknaa tel sikulte hnenah H Rohluna chuan football, volleyball leh volleyball net a pe vek a ni.

Mizo Traditional Games hi Vanbandhu Kalyan Yojana hnuaia buatsaih a ni a, Ministry of Tribal Affairs-in traditional game-te tihhmasawnna tura a ruahkman a ni.