Zenghri danna pek dan tur inzirtir

Health department chuan, nimin khan Lawngtlai DC conference hall-ah zenghri danna pek chungchang inzirtirna an buatsaih a; Lawngtlai district-a medical officer te, community health officer, health supervisor leh sub-centre tina health worker-te an tel.

Zenghri danna pek chungchang inzirtirna hi Dr S Thaizi-in a kaihruai a; Lawngtlai district chief medical officer Dr Thani Pachuau chuan, zenghri danna pek turah theihtawp an chhuah dawn tih sawiin, Lawngtlai district-ah zenghri tihbo a nih theihna turin Health department-a thawktu hrang hrangte chu theihtawp chhuah turin a fuih a ni.

Workshop hi January 31, 2017 aṭanga zenghri danna beihpui (first round) neih tura inbuatsaihna a ni a, senior medical officer Dr Lalhlimpuii'n thil pawimawhte a zirtir a ni.