Hlawh phût loa inpete lawmman tur thawh

Hachhek bialtu MLA Lalrindika Ralte chuan tun hnaia Mizoram hmun hrang hranga Covid-19 dona leh a veite enkawl tura inpe nurse, laboratory technician leh thiamna hrang hrang neite lawmman atan Rs. 2,00,000 a thawh a, Health minister Dr R Lalthangliana hnenah a hlân.

Lalrindika Ralte chuan, "Mizoram mai ni lo, khawvel pumin harsatna khirhkhân tak mai kan tawh laia phût lêt nei miah loa nunna chán huama an rawn pên chhuak hi a ropui a, an thiamna leh theihnate a thlàwna mahni mihringpuite hnena hlan duhna an nei hi ka ngaihhlu tak zet a ni tih entir nan lawm takin thilpek hi ka hlan a ni," a ti.