Aizawl Civil Hospital-ah Hepatitis enkawlna tur hawng

Aizawl Civil Hospital (ACH)-a Designated Microscopic Centre (DMC) chu nimin khan Rogi Kalyan Samiti (RKS) Governing Body chairman Kannan Gopi­nathan, Aizawl DC-in a hawng a; Mizoram State Health Care Society (MSHCS) hnuaia Hepa­titis-C therapy leh Hepa­titis-B vaccination-te tlangzarh a ni bawk.

RKS hnuaia DMC hawnna inkhawm hi ACH Doctors’ Seminar Room-ah neih a ni a, ACH medical superintendent Dr KL Remsanga'n a kaihruai.

Report-a tarlan danin, Mizo­ramah Hepatitis hi thisen petute aṭanga chhûtin kum 2014-15 chhungin Hepatitis-C vei 0.92% leh kum 2015-16 chhungin 1.25% vela chhût a ni a; chutih laiin, India rama average range chu 0-92 leh 2.02% inkar a ni.

Hepatitis vei enkawl­naah damdawi chi hrang hrang tam tak a awm lo a, enkawlna man erawh a sang hle. Chuvang chuan company nen inremin, Hepatitis-C veite man tlawm zawka enkawl theih tur dap a ni a, Mylan Pharmaceuticals, Bangalore chu open ten­der leh competitive bid­ding process neih hnuah thlan an ni.

DMC hnuaiah hian Hepatitis-C veite chuan thisen endik, HCV quan­titative 2 leh fICV Geno­type 1 te a thlawin an test thei dawn a; damdawi thla thum ei a thlawnin an dawng thei dawn bawk.