Hmun 40-ah Kuthnathawktute Ni hmang

Nimin khan Mizorama district tina hmun 40-ah Kuthnathawktute Ni hman a ni a, minister, parliamentary secretary, MLA leh sorkar officer-te'n an hmanpui.

Kuthnathawktute Ni hi Lungleiah chuan Convention Centre-ah hman a ni a, minister PC Lalthanliana khuallian a ni.

Siaha-ah chuan Model Youth Association Hall-ah hman niin, Assembly speaker Hiphei khuallian a ni. Inkhawm hi Siaha DC Harleen Kaur-i'n a kaihruai a; NLUP ṭanpuina hmang ṭhaa hlawhtlinpuitu tiṭha zual mi pathum hnenah lawmpuina Rs. 5,000 ṭheuh hlan a ni.

Lawngtlaiah chuan CYLA Hall-ah hman niin, minister of state C Ngunlianchunga khuallian a ni. Sorkar department hrang hranga officer te, Lawngtlai leh a chhehvela NLUP ṭanpuina dawngtu te, V/C member te, tlawmngai pawl leh kohhran hrang hrang aiawhte an tel.

Khuallian hian line department hrang hrang hnuaia NLUP dawngtute hnenah ṭanpuina a sem nghal a; Horticulture department aṭangin chhungkaw 54, Commerce & Industries department aṭangin chhungkaw 26 leh AH&Vety department aṭangin chhungkaw palite hnenah ṭanpuina sem a ni.

Serchhipah chuan DC Conference Hall-ah hman niin,minister Lal Thanzara khuallian a ni a, DC Complex tualah NLUP line department-te'n exhibition an buatsaih nghal.

Serchhip SDO (Civil) R Vanrengpuia tarlan danin, Serchhip district-ah NLUP dawngtu chhungkaw 9,524 an awm.

Kuthnathawktute Ni hi Mamitah chuan Chhimveng YMA Hall-ah hman a ni a, Mamit DC Lalbiaksangi'n kaihruaiin, bialtu MLA leh Supply minister John Rotluangliana khuallian a ni.

Mamita Kuthnathawktute Ni hmannaah hian NLUP dawngtu ti ṭha pathum - Lalhmangaiha, Dárlâk; Kaphnuna, Zamuang leh Zorampara, Nàlzáwl te'n an hlawhtlinna chanchin an sawi a, Agriculture department hnuaiah NLUP ṭanpuina a sem a ni bawk.

Kuthnathawktute Ni hi Kolasib-ah chuan Parish Hall-ah hman niin, bialtu MLA PC Zoram Sangliana khuallian a ni a; Kolasib district-a NLUP third phase leh fourth phase-a Agriculture leh Horticulture department hnuaia awmte hnenah ṭanpuina sem a ni.

Champhaiah chuan Kahrawt community hall-ah NLUP Implementing Board chairman JH Roṭhuama, MLA hoin hman a ni a; Champhai DC Vanlalngaihsaka'n kaihruaiin, Champhaia sorkar department hotute leh tlawmngai pawl hrang hrang aiawhte leh kut hnathawktu mi eng emaw zat an tel.

Kuthnathawktute Ni hmanna dang
Khua Khuallian
Saitual R Romawia, Minister
Ngopa H Rohluna, Minister
Thenzawl Zodintluanga, Minister
Kawrthah Lalrinmawia Ralte, Minister
Thingsulthliah R Lalrinawma, Dy. Speaker
N. Vanlaiphai Lt.Col. ZS Zuala, Parl.Secy
Sangau H Zothangliana, Parl. Secy
Lungsen Joseph Lalhimpuia, Parl.Secy
Aibawk KS Thanga, Parl.Secy
Hnahlan TT Zothansanga, Parl. Secy
Kawnpui Hmingdailova Khiangte, Parl. Secy
Bilkhawthlir K Lalrinthanga, Parl. Secy
Darlawn RL Pianmawia, Govt. Dy. Chief Whip
Thingsai S Laldingliana, Vice Chairman, HPC
Hnahthial John Siamkunga, MLA
Biate R Vanlalvena, MLA
East Lungdar Vanlalawmpuii Chawngthu, MLA
Phullen Dr Ngurdingliana, MLA
Khawzawl Lalrinliana Sailo, MLA
Chawngte Nihar Kanti Chakma, MLA
West Phaileng Lalrobiaka, MLA
West Bunghmun Chalrosanga Ralte, MLA
Tuipang RT Zachono, CEM, MADC
Bungtlang South VL Hmuaka, CEM, LADC
Bairabi Dr C Lalzarliana, Director, Agri.
Bukpui Addl. DC, Kolasib
Tuipuibari H Lianzela, Addl. DC Mamit
Sakawrdai SDO (Civil), Sakawrdai
Vairengte SDO (Civil), Vairengte
Haulawng BDO, Lunglei
Khawbung BDO, Khawbung