IMR leh MMR tihhniam dan tur zirho
January 18, 2017 khan Lunglei Convention Centre-ah, nausen kum khat hnuai lam thihna leh nau chunga nu thihna tihtlem dan tur zirhona buatsaih a ni a, Lunglei district-a medical officer, nurse leh health worker-te an tel.
Sensitization workshop on Special Newborn Care Unit (SNCU) discharged infants follow up hi Lunglei Civil Hospital-a SMO Dr Lalawmpuia Chhangte-in a kaihruai a; chief medical officer Dr VLMS Dawngliana'n hawngin, training-a telte chu sorkar hmalakna leh mipuite inkara palai hna thawktu an nih avangin inpekna thar nena thawk turin a chah.
Zirhonaah hian resource person Dr VL Chhanhimi, gynaecologist-in nau neih chungchang leh nau paite leh thawktute hriat tur hrang hrang a sawifiah a; resource person dang Dr Ramsanga, paediatrician-in SNU services drive chungchang sawiin, UNICEF consultant Dr Anil MH leh Dr V Patil thil pawimawhte an sawi bawk.
Workshop-in a tum ber chu, nau chunga nu thihna (MMR) leh nausen kum khat hnuai lam thihna (IMR) titlem tura hmalak dan tur leh naute piang hlim enkawlna dan inzirtir a ni a; January 17 khan ASHA-te pualin workshop buatsaih a ni tawh bawk.