Bru in hmun pek dan tur sawiho

Joint Monitoring Group on Bru Repatria­tion chu, nimin khan Mamit bawrhsap Lalbiak­sangi hoin Mamit DC con­ference hall-ah an ṭhukhawm a; Tripura aṭanga Mizoram Bru lo let turte in hmun pek chung­chang, in sak lâwk phalna leh sum pek lâwk tur chungchang an sawiho.

Meeting-ah hian Bru chhungkua Mizorama let turte chu in hmun ft. 40X60-a zau pek theih turin state level committee-ah thlen an rél a; Bru chhungkua let turte'n an in tur sakna tur pawisa pek lâwk an phût chu state sorkar ngaihtuah tura dah ni se, an ti. Bru let tur zingah anmahni duh thua in sak lâwk duhte chu resettlement village-a administrative officer-te'n ruahmanna an siampui angin phalsak ni se, DC pisaah hriattir ni se an ti bawk.