Electoral Roll special camp buatsaih

Serchhip District Election Office buatsaihin, nimin khan Serchhip Bazarah Electoral Roll Special Camp buatsaih a ni a, Serchhip DC Dr Lalrozama'n a hmanpui.

Special camp hi election officer R Vanreng­puia'n a kaihruai a; Dr Lal­rozama chuan, "Election Commission of India-in khua leh tui dik tak kum tling tawhte electoral roll-ah an chuan loh a hlau a. Democracy ram lungphûm chu khua leh tui dik takte'n ram hruaitu zalen taka an thlan hi a ni," a ti.

ECI-in khua leh tui dik tak, kum tling zawng zawngte electoral roll-a an hming a chuan a duh tih sawiin Serchhip DC chuan, "Mipuite'n zalen taka ram hruaitute an thlan hlutna an hriat chian deuh deuh theih nan Systematic Voters' Education and Electoral Participation (SVEEP) duan a ni," a ti a; Serchhip district mipuite chu electoral eoll-a inthun ngai pawimawh turin a chah.

Special camp-ah hian mi ṭhahnem takin an electoral photo identity card-a hming leh thil dang dik tâwk lote an siamṭhat tir a, Special Summary Revision 2017-a harsatna vanga inziak lut hman lo eng emaw zatin inthun thar an dil bawk.