Kut hnathawktute vei loah sorkar puh

MPC party chuan thuchhuah siamin, Lal Thanhawla kaihhruai Congress party-in Mizoramah kum 20 sorkarna an chelh chhungin kut hnathawka eizawngte intunnun theihna tur khawpa hmalakna leh kut hnathawktute vei tak takna an nei lo niin an tarlang a, "Kut hnathawktute dinhmun tleu leh mangang taka awmte hi lainatawm kan ti tak zet a ni," an ti.

MPC chuan, "Kut hnathawka eizawngte rahbeh leh palzûta an awmna, thâwi dam nan leh an laka hmaiphihna ni ngeia ngaih theih tura Mizoram sorkar­in hun leh thâ, sum leh pai tam tak sénga Kuthnathawktute Ni ram pum huapa a buaipui chiam hi ṭha fúin lang mah se, politic-a hamṭhat zawnna leh mipuite bum tumna hmanrua maiah kan ngai," an ti a; Mizorama kut hnathawkte'n an thawhrim rah an la tél lo zel niin an sawi.