Myanmar aṭanga lak luh Nungcha 23 man a ni

Champhai District Wildlife Crime Control Sub Unit chuan May 9, Thawhṭanni zing dar 9 vel khan Champhai Khankawn police checkgate-ah Myanmar aṭanga lak luh nungcha 23 an man.

Thu dawn danin, Myanmar aṭanga lak luh nungcha an mante chu - vaki vár, guinea pig, monitor lizard, kangaroo rats, saphai leh meercat-te a ni a, a vaiin 23 a ni. Nungcha mante chu Customs hnena hlan a nih hnuah court-ah kalpui nghal a ni a; Thawhṭanni tlai lamah Aizawl lamah lak niin, Aizawl Sahuanah dah a ni.