Ramri buai a fel thuai ka ring - Assam Speaker

Assam Assembly speaker Biswajit Daimary chuan, Mizoram leh Assam-in ramri buai an neih mek chu chinfel thuai a nih a rin thu nimina Mizoram Assem­bly Special Session-ah a sawi.

Biswajit Daimary chuan, Assam-in Mizo­ram chauh ni lo, state dangte nen pawh ramri-ah buaina an neih thu sawiin, "Tuna kan Chief Minister hian chinfel a tum viau. Assam mipui leh political party-te hmin a tum mek a, a hmin thei ṭêp tawh. Chumi hnuah chuan harsatnate a awm tawh lo turah ka ngai," a ti.

Hun rei lo têah ramria harsatnate chinfel theih a beiseiawm tih sawiin Biswajit Daimary chuan, "Assam leh Mizoram chief minister pawhin ramri buai chungchang an sawi dun tawh. Harsatna lian lutuk a awmin ka hre lo," a ti a, Mizoram leh Assam ramri buai chu sawihona hmanga chinfel theih nia a hriat thu a sawi.

Assam Assembly Spea­ker chuan, hmar­chhak state hrang hrang­te'n inlaichìnna ṭha tak an neih ṭul a tih thu sawiin, "Mizoram hi ṭum hnih chauh ka la rawn kal a, tunah chuan rawn kal fo ka tum tawh ang," a ti.