MSSC-in MiCA a pawm thar

Mizoram State Sports Council (MSSC) chuan May 9, Thawhṭanni khan Hawla Indoor Stadium-ah General Body Meeting an nei a, Mizoram Cycling Association (MiCA) chu MSSC recognised sports association atan an pawm a, MSSC hnuaia sport association 33-na a ni.

MSSC General Body Meeting hi president Robert Romawia Royte, Sports minister-in a kaihruai a, MSSC Annual Report 2021-22 a tlangzarh. MSSC Annual Programme 2022-23 pharh a ni a, 2022-23 budget (estimate) atan cheng nuai 1,107.55 an pawm.

Infiammite hamṭhatna, Mizoram Sports Awards chu lungrual takin an pawm a; award hi kum tina infiammi ti ṭhate Cash Incentive Award pek ṭhin bakah, sports-a state tihmingṭhatute pek ṭhin tur a ni. MSSC (Procedure for Management of Assets) Regulations, 2022 duan an pawm a; MSSC (Formation and functioning of District Sports Committee) Regulations, 2022 duan an pawm bawk.