Pawn lam mite'n SSA document An siam danglam lo - Zawma

MNF treasurer Vanlalzawma chuan Mizoram SSA-in sum hman dan tura ruahmanna an siam 'document' chu pawnlam mite'n an siam danglam lo tih an finfiah thu a sawi.

Vanlalzawma hian nimin khan Mizo Hnam Runah thu sawiin, "January 18 khan Finance dept.-ah kan kal a, SSA file document hi kan enfiah a ni. He document hi pawnlam miten an siam danglam lo tih kan finfiah. Hei bakah hian Finance department hian SSA zirtirtu hlawh tur thla hnih an sanction ngei tih chiang takin kan va hmu a ni," a ti.

Mizoram sorkarin cheng nuai 1441.31 chu June - July 2016 hlawh tur ti mah se, cheng nuai 1441.31 ni 2.11.2016 khan Finance dept. (EC)-in approves expenditure sanction an pe tih sawiin, "Hemi hma daih ni 14.10. 2016 khan June 2016 hlawh atan nuai 834.07 chu SSA zirtirtute kutah pek a lo ni tawh tih hi kan va hmu chhuak," a ti a, SSA hnathawkte thla khat hlawh a la awm thu a sawi.