HIV/AIDS donaa hmalak dan tur rêl

Mizoram State AIDS Control Society (MSACS) leh Sports and Youth Services department ten thawh dunna tur thuthlung an ziah tawha thawhhona tur duang tura din, Working Group chu tun hnai khan an ṭhu-khawm a; hmalakna tur hrang hrang an rêl.

Working Group chuan, kumin February thla chawhma lamah SYS department hnuaia coach zawng zawngte leh adventure organiser-te pualin HIV/AIDS chung­chang inzirtirna buatsaih an tum a; January 24-28 inkarah adventure club hruaitute training neipui an tum a ni.

MSACS leh SYS department-te hian sorkar laipuia National AIDS Control Organization leh Ministry of Youth Affairs & Sports ten thawhhona thuthlung an ziah tawh bawhzuiin nikum khan Mizoram bik atan MoU an ziak a ni.

MSACS chuan Transport, UDPA, Food Civil Supplies & Consumer Affairs leh Social Welfare department-te nen thawhhona an ziak tawh bawk a; chumi ang chuan nimin khan Transport department-a driver leh conductor-te pualin HIV/AIDS awareness campaign an buatsaih a ni.