MSU hruaitute'n CM an kawm

MSU hruaitute chuan nimin khan chief minister Lal Thanhawla a pisa-ah an kawm a, sorkar hmalakna avanga an lawmnate leh zirlaite mamawh nia an hriatte an thlen.

MSU hruaitute chuan DIET Aizawl ah leh DIET Lungleia B.Ed zirna tur sorkarin a ruahman chu lawmawm an tih thu te, Govt. Hnahthial College-a Geography department hawn a nih theihna atana lecturer post pahnih pe tura rua­hman a nih avanga an lawm thute leh science leh mathematics zirtirtu tur post engemawzat lak a nih dawn avanga an lawm thute Chief Minister an hrilh.

Mizoram kawngpui chhiain economic a nghawng tih sawiin MSU hruaitute chuan, "Sorkar, chhungkua leh zirlaite a nghawng avangin MSU chuan kawngchhia hi a ngaimawh takzet a, chumi a nih avanga Mizoram kawngpui siamtu company leh contractor-te December 12,2016 kokhawmin, working season chhunga chaktaka hna thawk turkan ngen," an ti a, engineer hna thawk ṭha lote enfiah a, hna thawk ṭha lo leh hrem ngaite hrem turin Chief Minister hi an ngen a ni.