MUP diamond jubilee lawm

Mizoram Upa Pawl (MUP) chuan nimin khan Vanapa Hall-ah an kum 60-na, diamond jubilee an lawm a; khuallian, minister Lal Thanzara chuan, MUP chu pawl zahawm leh thianghlim a nih thu a sawi.

Upate zahna leh hlut­na tun aia nasaa lantir theih dan tur ngaihtuah a pawimawh tih sawiin Lal Thanzara chuan, MUP member zawng zawngte inthlahrung lo tur leh inkiltawih lo turin a chah a, ṭhahnemngai leh phûr taka khawtlang, sorkar leh kohhran thil tihahte tel zel turin a sáwm.

MUP diamond jubilee lawmna hi an president RK Thanga'n a kaihruai a, MUP member mi 27 hnen­ah chawimawina hlan niin, chawhnu lamah a thlawna inentirna buatsaih a ni. NCD nodal officer Dr Eric Zomawia'n 'Hrisel taka dam reina' tih thupui a sawi bawk.