LEIT Minister leh MYC Chairman Bàntir turin BJP-in CM an phût

BJP Mizoram Pradesh chuan thuchhuah siamin, Nalanda Institute of Advance Studies (NIAS), Kolkata-a Mizo zirlai 32 tirh leh beidawnga an haw chungchangah LEIT minister Lalrinmawia Ralte leh MYC chairman T Sangkunga te chu mawhphurtu berah an puh a; LEIT Minister leh MYC Chairman chu a rang lama bàn turin Chief Minister an phût.

Mizoram BJP chuan, Mizo zirlai 32-te hmakhua sorkarin a tihchhiatsak nia sawiin, pawi an tih thu leh zirlaite an tawrhpui thu an sawi a, "Mizoram sorkar inthlahdah leh ngaihsam vanga he thil hi thleng a nih avangin, zirlai 32-te hi zángna­dawmna an phu tâwk pe turin Mizoram sorkar kan phut tlat a ni," an ti.

Mizoram BJP chuan, MBOCWWB sum chu a hmanna tur dik taka hmang tur leh a chawr tur dik takte'n an ṭangkaipui theih nana hmang turin sorkar an phût a; MBOCWWB sum hman dana corruption awm chu pho ro ngei turin Chief Minister an phût bawk.