Kut hnathawktute chawikanna'n NABARD-in nuai 540.56 pe chhuak

NABARD chuan Tribal Development Fund hnuaiah 'Orchard Development Projects' pahnih kalpuina turin tun hnai khan cheng nuai 540.56 an pe chhuak.

Mizoram sorkar thuchhuah tarlan danin, sum pek chhuah hi TATA Trust hnuaia NEIDA nena thawh dun tura ruahman a ni a; Lunglei district-a chhungkaw 10 aṭangin chhungkaw 500 thlan chhuahte hnenah ram acre khat ṭheuhah tanpuina pek a ni ang. NABARD-in cheng nuai 247.28 (45.7%) a tum ang a, NEIDA-in nuai 166 (30.7%) a tum dawn. Project huam chhunga lo neitute'n thâ leh zung an thawh thung ang.

Project hian kum ruk chhung a huam dawn a, chhungkaw 500-in eizawnna nghet an neih theihna tura ruahman a ni. Project-in a tum ber chu, chhungkaw tinte ram acre khata zauah serthlum leh balhla chîn kawptir a ni a; vawk vulh, hmeichhe hmasawnna, ruahtui khawlna tuizem siam leh vantlang hriselna lam a huam bawk.

Project hnuaiah hian lo neitute chu chhawng thumin pawl angin din an ni dawn a; zau tinah te, khaw tinahte lo neitute chu an intélkhawm dawn a, project-a tel zawng zawngte hian Farmers Producers Organisation an din dawn a ni.