RTI dan hnuaiah June 2022 aṭangin online-in dil theih dawn
Chief information commissioner (CIC) Lalnunmawia Chuaungo hoin nimin khan Mizoram RTI Online hmalakna thlirho a ni a; CIC chuan, hmalaknate a ṭha thawkhata a ngaih thu leh June 2022 aṭangin online hmangin information dil theih a nih dawn thu a sawi.
Lalnunmawia Chuaungo chuan, hmalak tawhna chin a ṭha thawkhat tih sawiin, "Ṭan lâk mar reng a pawimawh. Mizoram RTI Online hi July 1, 2022 aṭangin a mamawhtute apiang tan hman ṭan tura peih ni se," a ti.
Mizoram RTI Online hi mipuiin awlsam zawka an mobile phone emaw, computer emaw hmanga office-a kal kher loa RTI Act hmanga zawhna an zawh theihna leh a chhànna an hmuh theihna tura duan a ni.
Sawihonaah hian, Mizoram Information Commission project buatsaihtu General Admi-nistration, Finance leh Information & Communication Technology department hotute an tel.