Dam chhung táng turin hrem

Champhai District & Sessions Court chuan kum 2017-a mi thattu PC Sanghluna (53) s/o PC Rohlira, Chalráng, Cham­phai district chu IPC Section 302 hmangin dam chhunga táng turin a hrem.

March 12, 2017 tlaiah Lalruatmawia, Chalrang chu an lênnaah in chhung aṭanga koh chhuah a ni a, a pumah chemtêa vih niin, a hnuah a thi a ni. A vittu ni ngeia hriat PC Sanghluna chu a tlanbo a, a hnuah Khawzawl police hnenah a inpe a, Khawzawl Police Station-ah tualthah thubuai ziah luh a ni.

PC Sanghluna hi Court chuan Lalruatmawia thattu a ni ngei tih a finfiah a, April 26, 2022 khan thiam loh a lo chantir tawh a, May 10, Thawhlehni khan hrem dan tur a puang zui a ni.